საწყისი > სხვადასხვა > აფრიკული ლეგენდა

აფრიკული ლეგენდა

ცხოვრობდა აფრიკაში ერთი ტომის ბელადი. მას ჰყავდა მეგობარი, რომელიც მასთან ერთად გაიზარდა და რომელსაც ჩვევად ქონდა, რაც გინდა მომხდარიყო ყველაფერზე ამბობდა: „ კარგია“.
ერთხელ ნადირობისას ბელდამა შემთხვევით თითი მოიჭრა. რაზეც მისმა მეგობარმა თქვა: „კარგია“. განრისხდა ბელადი, რა არის თითის დაკარგვაში კარგიო და მეგობრის ციხეში ჩასმა ბრძანა. გავიდა ერთი წელი. ბელადი ნადირობისას, შემთხვევით მეზობელი ტომის ტერიტორიაზე გადავიდა. ისინი კაციჭამიები იყვნენ. მათ დაიჭირეს ბელადი მიაბეს ხეზე, აანთეს კოცონი, ერთი სიტყვით, შესაჭმელად გაამზადეს. ამ დროს აღმოაჩინეს, რომ მას ერთი თითი აკლია. ცრურწმენის გამო, ისინი იმათ ვისაც ყველა თითი არ ჰქონდა, არ ჭამდნენ. ასე გადარჩა შეჭმას ჩვენი ბელადი. ამ ამბის მერე გაახსენდა თავისი მეგობარი. გამოაშვებინა ციხიდან და მოუყვა თავისი ისტორია და თან დასძინა:
– მართალი გამოდექი, როცა ამბობდი, რომ კარგია თითის დაკარგვა. ბოდიში, ამდენი ხანი ტყუილად იჯექი ციხეში.
– კარგია! – უპასუხა მეგობარმა.
– რა არის კარგი, ციხეში ჯდომა?
– ხო, აქ რომ არ ვყოფილიყავი შენთან ერთად ვიქნებოდი სანადიროდ.
მე კი – თან ამ დროს თითები გაშალა და ხელები მაღლა ასწია – ყველა თითი ადგილზე მაქვს.

9 კომენტარი პოსტზე “აფრიკული ლეგენდა

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *