საწყისი > კურიოზები > სადღეგრძელოს მეთოდები

სადღეგრძელოს მეთოდები

მოგეხსენებათ, ქართველებს გვიყვარს განსხვავებული სასმისები, განსაკუთრებული სადღეგრძელოები. ცოტა ხნის წინ ერთ ადამიანზე შვიტყვე, რომელსაც შემუშავებული აქვს ღვინის დალევის განსაკუთრებული მეთოდები. ზოგი მათგანი ადვილი გასაკეთებელია, ზოგი უფრო მეტ ძალისხმევას მოითხოვს, მით უფრო, რომ ამ ყველაფერს მაგარი მთვრალი აკეთებს ხოლმე. მოგითხრობთ რამოდენიმე მათგანზე. დავიწყებ ყველაზე მარტივით:
„ვაზური“ – ამ მეთოდის დროს ერთი ხელით ვაზს ძირს ეხუტება და გულში იკრავს, მეორე ხელი კი ვაზის რქებს უნდა შემოატაროს და ისე დალიოს. როგორც შეამჩნევდით აქ რთული არაფერია, მთავარია ვაზი იყოს ახლო-მახლო.
„ხვლიკური“ – ეს მეთოდი შედარებით რთულია. ამ შემთხვეაში ჭიქა უნდა დადგას 7-8 მეტრ მანძილზე, დაწვეს მიწაზე და ხვლიკივით მიხოხდეს სასმისამდე. მისი აღება ხდება კბილებით. ჭიქის ხელში აღება სასტიკად აკრძალულია იმიტომ, რომ ხვლიკს ხელები არ აქვს.
„კაჭკაჭური“ – ეს უკვე სერიოზულ ძალისხმევას მოითხოვს, რადგანაც საჭიროა ხის ტოტზე ჩამოჯდომა და ისე დალევა. ხელით ჭიქის დაჭერა აქაც იკრძალება, მიხვდებოდით ალბათ, არც კაჭკაჭს აქვს ხელები.
„წვიმური“ – ეს მეთოდი უკვე დამხმარე პერსონალს მოითხოვს. ერთი კაცი ღვინის დოქით ადის სახლის სახურავზე და ზედ სასმელს აწვიმებს. ღვინო საწვიმარი მილით დაბლა ჩამოდის. თვითონ კი დგება ამ მილთან (თუ მაღალია) ან წვება (როგორც წესი მილი მიწამდეა ხოლმე ჩამოყვანილი) პირს აღებს და სასმელი თავისით ესხმევა პირში.

 

იმედია ცოტა გახალისათ ამ კაცის მეთოდებმა. თუ რაიმე მსგავსი იცით დაწერეთ კომენტარებში.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *