საგარეჯოში ყველა იცნობდა მაჭანკალ ლოლას, რომელიც არაფრით ჩამოუვარდებოდა ხანუმას. ლოლას მეზობლად ცხოვრობდა ერთი ბერბიჭა, რომანი. ლოლამ გადაწყვიტა თავისი მეზობელი გაებედნიერებინა. სასიძოს მანქანით წავიდნენ სოფელ სართიჭალაში ქალის გასასინჯად, მიადგნენ საპარტაძლოს ეზოს. მაჭანკალმა უთხრა სასიძოს:
_ ჯერ მე შევალ ოჯახში, ქალის მშობლებსა და ახლობლებს დაველაპარაკები. შენ მანქანაში დამელოდე, მერე კი გამოვალ, ერთად შევიდეთ და გავაცნობ შენ თავს.
მაჭანკალი შევიდა საპატარძლოს სახლში. მთელი ხმით ადიდებდა და აქებდა სასიძოს, ლამის ანგელოზის ფრთები შეასხა და ცამდე აიყვანა. მანქანა, რომელშიც რომანი იჯდა ფანჯარასთან ახლოს იდგა და სასიძომ ეს ქება-დიდება სიტყვასიტყვით მიოსმინა.
მერე კი, როცა მაჭანკალი გამოვიდა, მის შიგნით შესაყვანად, დიდი ინტერესით ჩაეკითხა ლოლას:
_ შიგნით, ახლა, ეს ყველაფერი ჩემზე ილაპარაკე?
_ კი, შენზე ვილაპარაკე.
სასიძო ამაყად გაიმართა წელში და მაჭანკალს უთხრა:
_ მა აქ რა გვინდა? წამოდი, უკეთესი ქალი მოვძებნოთ.